კრეატიული ხედვა და პროფესიონალიზმი
images/perheader/3574236.jpg
გიორგი გვარჯალაძე (აუდიოლოგია)
გიორგი გვარჯალაძე

გიორგი გვარჯალაძე, იგივე გვაჯი, ქართველი ხმის ინჟინერია, მუსიკის ტექ. სპეციალისტი,პროდიუსერი და კომპოზიტორი. როგორც მუსიკოსი და ხმის ინჟინერი ის გამოჩნდა 90-იანიწლების ბოლოს, სწორედ მაშინ, როდესაც ქვეყანამ რამდენიმე ომი გამოიარა. გიორგიმთანამიმდევრულად და ნაბიჯ-ნაბიჯ აიყვანა ხმის ჟღერადობის მიმართულება სრულიად ახალდონეზე. 

 

გიორგი იმ დროის სხვადასხვა ჯგუფებში მონაწილეობდა, როგორც ბას გიტარისტი, ხოლო თანდათანობით სრულიად დამოუკიდებლად დაეუფლა ხმის ჩაწერას, დამიქსვას და დამასტერებას. მიუხედავად იმისა, რომ ეს უკვე პოსტ საბჭოთა პერიოდი იყო და საქართველომ დამოუკიდებლობა მოიპოვა, ქვეყანაში მძიმე სიტუაცია იყო, თუმცა ადგილობრივი მუსიკალური სცენა აღმავლობას განიცდიდა. როგორც “ანდერგრაუნდი”, ასევე “მეინსთრიმ” ჯგუფები ერთი მეორეს მიყოლებით ჩნდებოდნენ სცენაზე, ხოლო გვაჯი უზრუნველყოფდა მათ ჟღერადობას, რაც იქამდე უჩვეულო იყო. გვაჯი ჩართული იყო მაშინ პირველად გამოჩენილი, ახლა კი აღიარებული მუსიკოსების, როგორც გიგა მიქაბერიძე, აწ გარდაცვლილი ირაკლი ჩარკვიანი, ლადო ბურდული, რობი კუხიანიძე და ნინო ქათამაძე. მაშინ ის ჩამოყალიბდა როგორც პროფესიონალი ხმის რეჟისორი და პროდიუსერი. პირველი ჩანაწერები იქმნებოდა ერთ პატარა ოთახში, რომელიც შეცვალა ბევრად დიდმა ოთახმა, ბოლოს კი დაარსდა “ლენო რეკორდსი”, რომელმაც ბინა დაიდო კინოსტუდიის უნიკალურ ხმის ჩამწერ დარბაზში, რომელიც თავად ფლობს მსოფლიო კლასის აღჭურვილობას. 

 

გვაჯის ტექნიკურ მენეჯერად უმუშავია კლუბ “აჭარა მიუზიკ ჰოლში”, ხმის დიზაინერად ჩამწერ სტუდია “Mi-Fa-Si”-ში, წაუყვანია ტელე-რადიო ინტერნეტის შოუ “Live Sound”-ი “სტერეო 1”-ში, იყოხმის ინჟინერი და ტექნიკური მენეჯერი “ქართული ოცნების” ჩამწერ სტუდიაში და “ლეიბლის” დატექნიკური მენეჯერი “სილქ ფაქტორი სტუდიო”-ში. მისთვის საამაყო ზოგიერთი მიღწევაა მსოფლიოში აღიარებული “სუხიშვილების” ანსამბლთან თანამშრომლობა, ხმის რეჟისორად მუშაობა ცოცხალ ეთერში ხატია ბუნიათიშვილისა და ზუბინ მეტას კონცერისთვის ისრაელის ფილარმონიის ორკესტრთან ერთად “მეცო”-ს ტელევიზიისთვის. მასვე აქვს ასევე გაკეთებული რამდენიმე ჩანაწერი ქეთი მელუასთვის და გორის ქალთა გუნდისთვის…

 

გვაჯის შთამბეჭდავი წვლილი ხმის ინჟინერიის სფეროში ასევე შეიძლება შეფასდეს მისიტექნიკური კარიერით და სტუდენტების რიცხვით, რომლებიც ამჟამად დამოუკიდებლადმუშაობენ და მაღალკვალიფიციურ მომსახურებას უწევენ მუსიკოსებს, ფილმების რეჟისორებს,კლუბებსა და ხმის ჩამწერ სტუდიებს. 

 

ის აგრძელებს ხმის ინჟინირების სწავლებას “CES”-ში (შემოქმედებითი განათლების სტუდია),მუშაობს ფილმებსა და რეკლამებზე, პროდიუსერობს რამდენიმე ჯგუფსა და შემსრულებელს,ისეთს, როგორიც “Moku Moku”, “Bedfod Falls”, “Sophy Villy” და ცდილობს დრო გამონახოს საკუთარიმუსიკისთვის.  

Related courses