ვიზუალური პერფორმანსი რეალურ დროში TouchDesigner-ის გამოყენებით [მარიამ სონღულაშვილის საავტორო კურსი]

cestbilisi
5 days ago
2 min read

ვართ მოხარული გაგაცნოთ უახლესი სასწავლო პროგრამა CES-ში, მარიამ სონღულაშვილის საავტორო 3 თვიანი კურსი: "ვიზუალური პერფორმანსი რეალურ დროში TouchDesigner-ის გამოყენებით"

კურსის შესახებ:

კურსი მონაწილეებს გააცნობს აუდიო-ვიზუალური სისტემების შექმნის პრინციპებსა და შემოქმედებით მიდგომებს, იმას, თუ როგორ შეიძლება ხმის, გამოსახულებისა და მოძრაობის ერთმანეთთან დაკავშირება და მათი ცოცხალ ვიზუალურ გამოცდილებად გარდაქმნაTouchDesigner-ის გამოყენებით. კურსი ფოკუსირებულია ხმაზე რეაგირებადი ვიზუალური სისტემების შექმნაზე.

https://video.wixstatic.com/video/62a7c1_6bbbf3b2a2fb4892968a63b6459534ac/1080p/mp4/file.mp4

2025 Memory, Mutant Radio (with Zeskneli)

https://video.wixstatic.com/video/62a7c1_624d704ab4224d29bf7e8876d0c68efa/1080p/mp4/file.mp4

2025 Urban Hymn (with gabiskiriamalia)

TouchDesigner-ი ვიზუალური და ინტერაქტიული პროექტების შესაქმნელი ვიზუალური პროგრამირების გარემოა. მისი საშუალებით შესაძლებელია ისეთი ვიზუალური სისტემების შექმნა, რომლებიც რეაგირებს ხმაზე, გარემოზე, დამთვალიერებლის ქმედებასა, თუ სხვა ნებისმიერ, ციფრულ სიგნალზე. TouchDesigner აქტიურად გამოიყენება ცოცხალი აუდიო-ვიზუალურ პერფორმანსებისთვის, საგამოფენო სივრცეებში, ინტერაქტიული ინსტალაციებისთვის, არქიტექტურული პროექციებისთვის. კურსის მთავარი ფოკუსი აუდიო-ვიზუალური შესრულებისთვის ვიზუალური სისტემის შექმნაა, თუმცა მიღებული ცოდნა მონაწილეებს საშუალებას მისცემს, TouchDesigner-ის გამოყენების სხვა მიმართულებებიც დამოუკიდებლად განავითარონ.

ვისთვის არის კურსი განკუთვნილი?

კურსი განკუთვნილია როგორც იმ ადამიანებისთვის, ვისაც აუდიო-ვიზუალურ პროექტებთანმუშაობის გამოცდილება ჯერ არ ჰქონია, ასევე მათთვისაც, ვისაც TouchDesigner-ის, ან ვიზუალური პროგრამირების საბაზისო ცოდნა და ამ მიმართულებით მხოლოდ მცირე პრაქტიკული გამოცდილება აქვს.

კურსის შინაარსი:

კურსის განმავლობაში, მონაწილეები გაეცნობიან TouchDesigner-ის ძირითად ინსტრუმენტებსა და სამუშაო პრინციპებს, ისწავლიან ხმისა და ვიზუალის ერთმანეთთან დაკავშირებას და შექმნიან აუდიო-რეაქტიულ სისტემებს. აითვისებენ არა მხოლოდ ტექნიკურ ცოდნას, არამედ იმუშავებენ დროში განვითარებადი ვიზუალური ენის ჩამოყალიბებასა და მუსიკასთან ერთად ცოცხალი ვიზუალური შესრულებისთვის აუცილებელი ლოგიკისა და ინტერფეისის შექმნაზე, რომელსაც სამომავლო აუდიო-ვიზუალურ პროექტებში, ინსტალაციებში, არქიტექტურულ პროექციებსა, თუ სცენოგრაფიაში გამოიყენებენ.

კურსის შედეგი:

კურსის ბოლოს, მონაწილეებს ექნებათ ცოდნა და პრაქტიკული გამოცდილება, რომელიც საშუალებას მისცემთ, დამოუკიდებლად შექმნან ვიზუალური სისტემები, აუდიო-რეაქტიული აპლიკაციები და ცოცხალი ვიზუალური შესრულებისთვის განკუთვნილი ინდივიდუალური ინსტრუმენტები.

კურსის ტექნიკური დეტალები:

კურსი განკუთვნილია დამწყებებისთვის
შეხვედრების რაოდენობა: 24
მონაწილეებს აუცილებელია ჰქონდეთ: ლეპტოპი (Mac-ის შემთხვევაში, M სერიის პროცესორით, სხვა შემთხვევაში, დამოუკიდებელი ვიდეო ბარათით)

პედაგოგის შესახებ:

მარიამ სონღულაშვილის სახელოვნებო პრაქტიკა მოიცავს გენერაციულ, ინტერაქტიულ და დროში განვითარებად ვიზუალურ მედიას. მისი ნამუშევრები იკვლევს მეხსიერების, ურბანული და ლიმინალური სივრცეების, ასევე რეალობის გემიფიკაციის თემებს. კოლაბორაცია მისი მოდულური, ექსპერიმენტული და ღია პრაქტიკის მნიშვნელოვანი ნაწილია და ხშირად მოიცავს მუსიკოსებთან, მწერლებსა და მოქანდაკეებთან თანამშრომლობას. მარიამი მუშაობს ინტერაქტიულ ინსტალაციებსა და ცოცხალ აუდიოვიზუალურ პერფორმანსებზე, რომლებიც აერთიანებს მრავალარხიან ვიდეოს, კონკრეტულ სივრცეზე მორგებულ პროექციასა და ცოცხალი კამერით იმპროვიზაციას.

ვებსაიტი: songhulashvili.xyz

ნამუშევრები: